അകത്തൊരുക്കിവെച്ച
ദുരയുടെ തീന്‍‌മേശയില്‍
വിഭവഭേദങ്ങളുടെ ഇരകള്‍.
രസം മുറ്റിയ രുചകളിലേക്ക്
മല്‍സരിച്ച് ചീറിയടുക്കുന്ന
വയറിന്റെ അടിമകള്‍.
ഭക്ഷ്യനായാട്ടിന്റെ
കൊതിതീരാത്ത നാവുകള്‍.
ഏമ്പക്കങ്ങള്‍ക്കൊടുവില്‍
പാഴായ ഉച്ഛിഷ്ഠങ്ങള്‍.
തിന്നിട്ടും തീരാത്ത പൊങ്ങച്ചങ്ങള്‍.
പുറത്തകലെ - ഊതിപ്പൊക്കിയ
സംസ്കാരപ്പൊയ്മുഖം
എത്തിനോക്കാനറയ്ക്കുന്നിടത്ത്,
നിവൃത്തികേടില്‍
നിലവിളിക്കുന്ന വിശപ്പ്,
കരുണ കേഴുന്ന ദൈന്യത,
ഭയമുടുത്ത കണ്ണുകള്‍.
വരണ്‍ട തൊണ്ടയില്‍ ഞെരുങ്ങി
പുറത്തിറങ്ങാന്‍ വെമ്പുന്ന
ചുളിഞ്ഞ വാക്കുകള്‍.
മാനം ബലികൊടുത്ത്
ഇരന്നുപോകുന്ന വിവശതകള്‍.
ജന്മത്തെ പ്രാകിയൊടുവില്‍
ഭൂമിയില്‍ നിന്ന് സ്വയമടര്‍ന്ന്
വേര്‍പെട്ടുപോകേണ്ടിവരുന്ന വ്രണങ്ങള്‍.
നന്നായിട്ടുണ്ട്...
മറുപടിഇല്ലാതാക്കൂ